Am Freitag kummer alle z'amm,
weil mier da Bibeltreffen ham.
In dem Semester, hommer g'sagt,
daß unser Club die Predigt macht.

 So denk mer hi und denk mer her,
Etz merk mer, des is wergli schwer
Weil unser Kenntnis net weit reicht,
Drum is des Predigen net leicht

Der Pfarrer Stanislaus der sagt,
Wie mer a so a Predigt macht
Und zeigt uns alle seine Tricks.
Am End begreifen mir doch nix.

Wie werd denn des am Sunntoch sei,
Wenn ihm fällt a nix bessers ei,
Als des, wos mir da z'amdenkt hom
Mit unser'm Evangelium.

Am Sunntoch früh da semmer g'spannt,
Was unser Pfarrer hat erkannt.
Wir sind noch ratlos- wie vehext
Mit den schwierigen Bibeltext.

Doch dann steigt er auf'd Kanzel nauf,
Setzt a wichtige Mine auf,
Beginnt zu reden, klar und laut
Und uns erschauert dann die Haut.

Wie er den Text interpretiert !
Es fließt die Rede wie geschmiert.
Und manches Beispiel aus dem Leb'n
Kann er uns außerdem noch geb'n.

Jetzt werd' der Sinn uns allen klar,
Wie dieser Bibeltext  g'mant war.
A Fachmann hat die Predigt g'macht
Vom Freitag- af die Samstagnacht.

Es schönste, was uns kann passiern:
Daß mir den Pfarrer net verliern,
Der uns - etz und a bißla später -
Den Weg vom Hörer zeigt zum Täter.